AXENDA | O dúo Amorodous ofrece un concerto en Viana polas Letras Letras

O Concello de Viana do Bolo organiza unha programación especial para conmemorar o Día das Letras Galegas. Dentro dos actos previstos para o vindeiro domingo, 17 de maio, a Praza Maior da localidade acollerá unha actuación musical en formato sesión vermut (a partir das 13:00h). O evento correrá a cargo do dúo Amorodous, que presentará un repertorio centrado na adaptación de pezas recoñecidas á sonoridade acústica.

A formación interpretará unha selección de versións que abranguen desde os clásicos da música ata os temas de pop e rock máis actuais. Durante o concerto, o dúo empregará tanto o galego como o castelán, adaptando as cancións orixinais a un estilo íntimo e directo. Esta proposta busca dinamizar o espazo público da vila durante o mediodía da xornada festiva, ofrecendo unha alternativa de lecer para toda a veciñanza.