AXENDA | Riós acolle unha charla clave para a xestión conxunta dos soutos

A Consellería do Medio Rural e o INORDE, co apoio do Concello do Riós, convocan a veciñanza a unha importante charla informativa sobre as "Agrupacións forestais de xestión conxunta". Esta nova figura de colaboración preséntase como unha oportunidade esencial para revitalizar o rural, incrementar o rendemento e mellorar a saúde dos montes e soutos da comarca.

Convídase a toda a veciñanza, especialmente a aquelas persoas con soutos ou terras forestais, a asistir e informarse sobre os requisitos e pasos para formar parte destas agrupacións que supoñen unha gran oportunidade para o futuro do monte en Riós.

Unirse para ser máis fortes

As "Agrupacións forestais de xestión conxunta" son unha ferramenta pensada para que os propietarios poidan unirse e traballar de forma organizada, mantendo en todo momento a propiedade individual de cada parcela. Entre as súas principais vantaxes, que se detallarán na charla, destacan:

• Loitar con máis eficacia contra as pragas.

• Mellorar o rendemento dos soutos e a produción forestal.

• Comercializar a castaña de forma conxunta, obtendo mellores condicións.

A cita terá lugar o venres, 7 de novembro de 2025, ás 18:00 horas, no Edificio Multiusos de Riós .