AXENDA | O Foro da Castaña volve a O Riós na súa cuarta edición

O municipio do Riós converterase de novo nun centro do debate sobre o sector da castaña coa celebración do IV Foro da Castaña, que terá lugar o venres 3 e o sábado 4 de outubro de 2025.

O evento, organizado por INORDE e co apoio da Deputación de Ourense e a Xunta de Galicia, celebrarase no Edificio Multiusos da localidade.

O foro, que abordará temas clave para o sector da castaña, conta con aforo limitado. É fundamental que os interesados en asistir formalicen a súa inscrición antes de que finalice o prazo, o martes 30 de setembro. As reservas pódense realizar no Centro Agroforestal, chamando ao 988 317 951 ou a través do correo electrónico centroagroforestal@inorde.com.