A curta documental 'Os cesteiros de Mondariz', no Auditorio de Verín

Despois da súa exitosa estrea en véspera da Feira dos Oficios Artesáns de Mondariz, o documental sobre a tradición cesteira da localidade será presentado en varios concellos galegos atravesados por rutas xacobeas. A primeira proxección itinerante fóra de Mondariz será no concello de Verín o día 20 de agosto, ás 20:00 horas, na sede do Auditorio. A entrada será libre ata completar aforo.

A xira de presentación servirá para dar a coñecer a tradición cesteira de Mondariz e promover o intercambio cultural sobre os oficios artesáns desde a memoria pero cunha decidida visión de futuro. Nas seguintes xornadas visitará outros puntos galegos como Allariz, Rianxo ou Redondela, entre outros.