IMOS DE ENTROIDO | Axenda entroideira para esta fin de semana

O Entroido comeza a quentar motores na comarca coa chegada dos folións e citas para ir entrando en ambiente, auténtico sinal de identidade desta celebración tradicional.

A primeira cita será en Laza, que dará o pistoletazo de saída o venres 30 de xaneiro ás 23:00 horas co seu segundo folión, enchendo as rúas de son, festa e tradición, nun ambiente que anuncia que o Entroido xa está á volta da esquina.

Ao día seguinte, o sábado 31 de xaneiro ás 22:00 horas, será a quenda de Matamá, que celebrará tamén o seu segundo folión, nesta ocasión acompañados polos Festicultores e os Bombeiros de Vences, nun encontro que promete música, percorrido polas rúas e moitas ganas de festa.

O mesmo día, en Viana do Bolo, terá lugar o seu xa consolidado “Fulión Feminino”, que cumpre 10 anos de celebración.

Se che apetece un plan máis tranquilo, o mesmo sábado podes asistir á homenaxe ao Fanfán, coa presentación da nova obra de Edelmiro Mateo: “A pericia dun golfiño”. O evento contará coa participación de Roberto Verino e será ás 19:00 horas no Auditorio de Verín.

Concello de Laza

📅 Venres, 30 de xaneiro

• 23:00 horas: Segundo folión en Laza

📅 Sábado 31 de xaneiro

• 22:00 horas: Segundo folión en Matamá cos Bombeiros de Vences e os Festicultores

Concello de Viana do Bolo

📅 Sábado 31 de xaneiro - Fulión Feminino

• Saída dende O Toural ata a Praza Maior. Logo seguirán ata Cabo da Vila.
• 13:30 a 14:30 horas: Charanga BBB
• 21:00 a 00:00 horas: Chatanga BBB
• Festa a cargo de DJ Tariro

Concello de Verín

📅 Sábado 31 de xaneiro - Presentación “A pericia dun golfiño”

• 19:00 horas: Auditorio Municipal de Verín
• Contará coa participación de Roberto Verino
• Exhibición dun busto en madeira tallado por Gerardo Fernández