IMOS DE ENTROIDO | Entramos de cheo na semana grande do Entroido

Concello de Verín

📅 Xoves 12 de febreiro - Xoves de comadres

O día comezará cos máis pequenos como protagonistas, pois ás 11:45 horas sairá dende o entroncamento da Canella Cega coa rúa Cabreiroa o gran Desfile Infantil no que participan todos os centros de ensino da comarca.

Xa pola noite será a quenda das das comadres, despois das súas ceas polos restaurantes da vila, ás 00:00 horas, terá lugar o descenso da comitiva polo camiño real, encabezada por Don Carnal. Ás 00:30, a Raíña recibirá á comitiva en San Lázaro e dirixiranse á Praza García Barbón onde darán a benvida as longas noites de Entroido.

A animación musical correrá a cargo de: 

• 11:30 a 14:00 horas: Charanga Támega, MIL9, Vakapinta, Noroeste, TDB.
• 22:30 a 1:00 horas: Charanga Támega, MIL9, Vakapinta, Noroeste, TDB, Nova Tribes.
• 23:00 h: Enjoy Eventos e A Gramola
• 1:00 a 4:00 h: Orquestra Marbella

📅 Venres 13 de febreiro - Venres de compadreo

Os carros do compadreo sairán ás 19:00 horas dende San Lázaro, facendo un percorrido ata a rúa Irmáns Moreno e acompañados dos Festicultores Troupe.

Animación musical:

• 11:30 a 14:00 horas: Como Queiras Band.
• 17:00 a 20:00 horas: Como Queiras Band.
• 20:00 horas: Disco Móbil Space (Irmáns Moreno).
• 00:30 a 3:30 horas: Orquestra Miramar (Praza García Barbón).

📅 Sábado 14 de febreiro - Sábado do Entroido

O sábado teremos un día de moita troula, con charangas que percorrerán a vila, concertos e por suposto a actuación de dúas orquestras:

• 11:30 a 14:00 horas: Charangas Jalácticos e Airiños do Cereixo polas rúas da vila.
• 12:00 horas: Concerto Somoza Trío.
• 17:00 a 22:00 horas: Os Kokakolas, Airiños do Cereixo, Jalácticos e Los Támega (rúa Montemaior, Lisa, da Cruz, praza do Cigarrón e García Barbón).
• 18:30 horas: Pappaquino (Praza García Barbón).
• 19:30 a 23:00 horas: La Oca Band (Praza García Barbón).
• 00:30 a 3:30 horas: Orquestra Alkar (Praza García Barbón).

📅 Domingo 15 de febreiro - Domingo Gordo

Ás 12:00 horas terá lugar o Gran Desfile do Entroido, un espectáculo cheo de cor, música e orixinalidade, que partirá da Avenida de Castela ata chegar á Praza García Barbón.

Animación musical:

• 12:00 a 14:00 horas: Charangas Los Támega, Noroeste, Como Queiras Band, Vakapinta e TDB. 
• 17:00 a 21:00 horas: Como Queiras Band, Vakapinta, Noroeste e TDB.
• 19:00 a 22:00 horas: Orquestra Triunfo (Praza García Barbón).
• 00:30 a 3:30 horas: La Banda de Ayer (Praza García Barbón).

📅 Luns 16 de febreiro - Luns de Entroido

A partir das 17:00 horas celebrarase no Pavillón Municipal de Deportes o Entroido Infantil, unha festa pensada para que os máis cativos poidan desfrutar tamén do entroido con obradoiros e actividades adaptadas a eles.

Durante o día, a Charanga Xuntanza visitará o Centro Sociocomunitario de Verín e o Centro de Día Solleira.

Animación musical:

• 11:30 a 14:00 horas: Charangas Os Kokakolas e Xuntanza.
• 17:00 a 20:00 horas: Charangas Os Kokakolas e Xuntanza.
• 17:00 a 20:30 horas: Disco Móbil Mono (Praza García Barbón).
• 20:30 a 22:00 horas: JB Son (Praza García Barbón).
• 00:30 a 2:00 horas: JB Son (Praza García Barbón).

📅 Martes 17 de febreiro - Martes de Entroido

Ás 16:30 horas será o derradeiro desfile, para aqueles que non poidesen asistir o Domingo Gordo.

Animación musical:

• 11:30 a 14:00 horas: Vakapinta e Xuntanza.
• 16:00 horas: Charangas Noroeste, Los Támega, Os Kokakolas, Xuntanza e Vakapinta.
• 19:00 a 22:00 horas: Magos (Praza García Barbón).
• 00:30 a 3:30 horas: Grupo América de Vigo (Praza García Barbón).

Concello de Viana do Bolo

📅 Xoves 12 de febreiro - Xoves de comadres

• O día comeza moi pronto, xa de madrugada, ás 00:00 horas tera lugar a colga da Lardeira.
• Xa coa saída do sol, ás 11:00 será o desfile infantil cos nenos do CEIP Bibei e Fulión IES Carlos Casares.
• Pola tarde a Charanga CLK percorrerá bares e rúas da vila.
• Ás 20:00 horas será a quenda da fariñada e dos fulións e a Charanga Alegría animará a festa nos restaurantes.
• 00:00 horas: Comeza a festa coa Discomóbil A Pimentoneta, na Praza Maior

📅 Sábado 14 de febreiro - Sábado de Entrudio

• 11:00 horas: Comparsa na aldea de Quintela de Edroso.
• 17:00 horas: Comparsa na aldea de Pinza.
• 20:00 horas: Fariñada e fulións.

📅 Domingo 15 de febreiro - Domingo Gordo

• 11:30 horas: Desfile de fulións, boteiros e carrozas (do Toural ata a Praza Mª Pita)
• 15:00 horas: 54ª Edición da Festa da Androlla.
• 19:00 horas: Comezan os fulións.
• 20:00 horas: Grupo América de Vigo na Praza Maior.

📅 Luns 16 de febreiro - Luns de Entrudio

• 16:30 horas: Desfile do fulión infantil (do Toural ata a Praza Maior).
• 17:30 horas: Xogos e animación para a cativada e Mini Disco Infantil (Praza Maior).
• 20:00 horas: Fulión trapalleiro.

​📅 Martes 17 de febreiro - Martes de Entrudio

• 12:00 horas: Saída de fulións e boteiros (dende a rúa Toural e vermú no Cabo da Vila).
• 16:00 horas: Fariña e fulións.
• 23:00 horas: Saída dos fulións (dende o Pavillón á Praza Maior)
• 00:00 horas: Queima dos lardeiros.
• 00:15 horas: Baile, concurso de disfraces de Discomóbil CDC.

​📅 Mércores 18 de febreiro - Mércores de cinsa

• 18:30 horas: Enterro da sardiña.
• 19:00 horas: Sardiñada e torradas no Cabo da Vila.

Concello de Laza

📅 Xoves 12 de febreiro - Xoves de comadres

• Cea das mulleres en Matamá.
• 14:00 horas: Folión dos nenos do CEIP O Castiñeiro, polas rúas de Laza.
• Cea de Comadres e Verbena coa discomóbil Deluxe en Laza.

📅 Venres 13 de febreiro - Gran folión

• Pola taarde pasarrúas coas charangas Bandiños Band e Tanto nos Ten.

• 21:30 horas: Cea gastronómica do Cocido no pavillón de Laza

• 00:00 horas: Gran Folión. Con saída desde o fondo da Cerdeiriña, con chocos, fachóns e bombos do Folión de Trives.

📅 Sábado 14 de febreiro - Sábado de Antroido

• Gran cea popular en Matamá, con porco ao espeto e actuación musical do grupo Dúo D-13.
• En Laza será o Sábado de Cabritadas pasarrúas polas rúas do municipio  coa Tanto nos Ten e fariñada na Praza da Picota. Pola noite cea das pandillas do pobo e verbena coa discomóbil Space.

📅 Domingo 15 de febreiro - Domingo de Estrea

• En Matamá os peliqueiros saen por primeira vez ás rúas co seu traxe á saída da misa.

• En Laza pola mañá cedo, estrea dos peliqueiros e pasarrúas coa Bandiños Band e Big Band. Ás 12:30 horas, saída da Misa, saúdo dos peliqueiros e reparto da bica na Praza da Picota.

• Pola tarde en Laza, festa con Big Band e o grupo tradicional Os Varacuncas, desfile das carrozas, e logo baile e verbena coa discomóbil Gramola.

📅 Luns 16 de febreiro - Luns Borralleiro

• En Matamá: Cara o mediodía recorrido de Antroido polo pobo, con paradas para xantar, beber e troulear e acompañados da Charanga Felga. Xa pola tarde, saída da Morena e da Albarda, acompañadas de formigas, fariña, borrallo e cobelleiros.
• En Laza, pola mañá pasarrúas con Novaa Trives e Tattoo e ao mesmo tempo terá lugar a súa mítica farrapada, Maragatos e Xitanada dos Burros e xa pola tarde baixada da Morena, acompañada das formigas, toxos e cobelleiros. Ao remate reparto da cachucha con pan na Picota e verbena coas orquestras Alkar e Takikardia.

📅 Martes 17 de febreiro - Martes de Antroido

• En Matamá, ás 16:30 horas: Terá lugar o Testamento do Burro, acompañados pola Comparsa cos Sombeiros de Papel e outros persoeiros do Antroido.
• En Laza, pola mañá saída dos peliqueiros e pasarrúas coas charangas Nova Trives e Big Band. Xa de tarde, cando caia o sol, terá lugar a lectura do Testamento do Burro, Enterro do Entroido e Loito dos peliqueiros.

Concello de Cualedro

📅 Venres 13 de febreiro - Desfile Infantil

A partir das 11:30 horas os nenos do CEIP Vicente Risco percorrerán as rúas cos seus disfraces. Irán acompañados dos Zarramoncalleiros de Cualedro, as Mázcaras da Xironda, Damas, Galáns de Carzoá e Castrón Meco de Rebordondo.

📅 Sábado 14 de febreiro - Sábado de Entroido

• 12:00 horas: Saída dos Zarramoncalleiros.
• 13:00 horas: Estrea de Disfraces na praza Dona Marina.
• 15:00 horas: Comida popular.

Animación musical:

• Como Queiras Band.
• DJ Roberto Deluxe.

Na Xironda:

• 16:00 horas: Xuntanza para ir á leña e facer Entroido
• Cea Popular
• Colga do Meco na Praza.

📅 Domingo 15 de febreiro - Domingo de Entroido

Á saída da misa en Cualedro xuntanza de Zarramoncalleiros.

Na Xironda, xuntanza de Mázcaras á saída da misa con festa de tarde co Grupo Vaivén e pola noite, trala cea popular, animación musical a cargo de DJ Dario.

📅 Luns 16 de febreiro - Luns de Entroido

Sesión de tarde e noite con DJ na Xironda e cea popular.

📅 Martes 17 de febreiro - Martes de Entroido

Sesión de tarde (Charanga Vakapinta) e noite (DJ Dario) con na Xironda e cea popular. A partir das 00:00 horas será a Queima do Entroido coa súa subasta.

Concello do Riós

📅 Sábado 14 de febreiro - Sábado do Entroido

• De 11:00 a 12:00 horas recorrido dende O Riós a Marcelín coa Banda de Gaitas do Riós e os Vellaróns.
• 12:00 horas: Pincho e baile en Marcelín.
• 13:00 horas: Desfile no Riós.
• 14:00 horas: Magosto popular con castañas e chourizos na Praza do Concello.
• 19:00 horas: Marcelín celebra a festa con música e o seu tradicional pincho de orella.

Concello de Vilardevós

📅 Sábado 14 de febreiro - Sábado do Entroido

• 17:00 horas: o desfile sairá dende o campo de fútbol acompañado de Chocalleiros, a Banda de Gaitas do Concello de Vilardevós, comparsas, desfile de disfraces e o folión "O can do San Roque"
• 19:30 horas: Baile a cargo do dúo "Os Trasnos" e lectura do testamento do burro.
• 20:00 horas: Cea popular.
• 22:00 horas: Saída dos fachóns e o meco dende o Toural ata a Praza do Cruceiro. Ó remate festa de novo co dúo "Os Trasnos".

📅 Luns 16 de febreiro - Luns de Entroido

A partir das 11:00 horas Gran Desfile do Centro Residencial e o Centro de Día, Casas Niño "Lala" e "Garabatos", C.D.R. Portas Abertas e a Asociación Mulleres Rurais "Entre Nós". Ó rematar chocolate e bica para todos os participantes.

Concello de Oímbra

📅 Domingo 15 de febreiro - Domingo de Entroido

17:00 horas: faranse os fachucos e o Entroido na Praza do pobo e haberá para todos chocolate con churros.

📅 Luns 16 de febreiro - Luns de Entroido

A partir das 16:30 horas comeza o recorrido polas Adegas do pobo, coa animación musical das Charangas Fuego e nba.

📅 Martes 17 de febreiro - Martes de Entroido

Ás 17:00 horas saída dos Fachucos, coa compañía da Charanga NBA, ata a Praza, onde haberá unha cea popular e se queimarán os Fachucos e o Entroido.