AXENDA | Sesión de contacontos e manualidades na Biblioteca de Verín

Hoxe abre o prazo de inscrición para participar nunha nova actividade na Biblioteca Municipal de Verín; desta vez trátase dunha sesión de contacontos e manualidades dirixida á cativada de 3 a 9 anos de idade socia do centro cultural.

Na Biblioteca seguen a traballar no fomento da lectura e, nesta ocasión, o protagonista da actividade vai ser o libro "Un parruliño sen sorte". Unha obra escrita e ilustrada por Gemma Merino, gañadora do Oscar's Book Prize no 2016 coa súa obra "A vaca que subiu a unha árbore". Logo da lectura realizarase unha manualidade para fomentar a imaxinación e a creatividade da cativada; eso si, terá que estar baseada no libro.

Terá lugar o vindeiro venres, 24 de xaneiro, a partir das 18 horas e as prazas son limitadas.