AXENDA | Obradoiro de elaboración de comadres, compadres e "intrudio" na Gudiña

A asociación cultural "Os Torgueiros" volve organizar unha xornada para elaborar as figuras tradicionais do Entroido da Gudiña. Un obradoiro no que se crearán as comadres, os compadres e o "intrudio" de xeito artesá.

Con esta actividade, na que colabora o Concello da Gudiña, búscase recuperar unha tradición que case esmorece, pero que xa o ano pasado reviviu coa participación de máis dunha vintena de persoas.

O obradoiro celebrarase o vindeiro domingo, día 9 de febreiro, a partir das 16:30 horas, e será o punto de partida do Entroido da Gudiña. A Casa da Viúva acollerá unha actividade que rematará cunha merenda para todos os participantes.

A inscrición poderase facer ata o xoves, 6 de febreiro; será gratuíta para socios e socias de "Os Torgueiros" e terá un custe de 3 euros para persoas non socias. O prezo inclúe os materiais para a elaboración das figuras e, tamén, a merenda.