AXENDA | Castañas, brasas e foliada no magosto de Laza

A Praza da Picota será o escenario para o magosto popular organizado pola asociación "enLAZAdos" mailo Concello de Laza que celebrarán o vindeiro 4 de novembro, sábado, a partir das 21:30 horas.

Chourizo e panceta á brasa mais as castañas e o biscoito comporán un menú para celebrar un festexo no que é necesario reservar praza antes do 29 de outubro. Os tíckets estarán á venda nos bares de Laza.

Logo da cea haberá unha foliada na que participarán os grupos Silveiras do Támega, Dalle que Libra e Kuartetas para amenizar un festexo popular que se trasladará ó Pavillón de Deportes no caso de que o tempo non acompañe.