Evento
AXENDA | "Coidados porta a porta" en Castrelo do Val
![25 setembro, coidados porta a porta en cualedro02](/asset/thumbnail,768,432,center,center/media/diariodotamega/images/2023/08/29/2023082912254270993.jpg)
A partir de mañá, mércores 4 de outubro, chegará á Castrelo do Val o autobús do programa "Coidados porta a porta". Ubicarase na Rúa Toural, ó carón do Centro de Saúde, cun horario continuo de 9:00 a 20:00 horas. Alí permanecerá ata o vindeiro venres, 6 de outubro para facer as consultas asistenciais.
Creado co obxectivo de previr a dependencia, o programa ofrece o servizo de asistencia sanitaria con consultas de audioloxía, estimulación da memoria e podoloxía a persoas maiores de 55 anos. Servizos de carácter gratuíto para que as persoas que viven no rural podan permanecer atendidas na súa contorna, sen necesidade de desprazarse.
É necesario solicitar cita previa para ser atendido. Pódese pedir nos teléfonos 622 748 283 - 623 546 992 ou a través do correo electrónico: [email protected].