Evento
AXENDA | A vida do poeta Wallace Stevens, no Ciclo Mestre Mateo
Rodada nos Estados Unidos, A foreign song retrata a figura do poeta modernista estadounidense Wallace Stevens, autor dunha das obras poéticas máis singulares do século XX e non moi coñecido.
César Souto dirixe un documental que foi finalista nos XXI Premios Mestre Mateo en tres categorías: mellor documental, mellor dirección de fotografía e mellor dirección de produción.
Premio á mellor película española no Festival Internacional de Cine de Xixón 2022, César Souto sinala que utilizar a vida deste poeta serviulle coma porta de entrada para relacionala con feitos importantes no mundo do cinema.
O filme proxectarase hoxe, mércores 11 de outubro, ás 20:30 horas no salón de actos da Casa da Cultura de Verín. Unha película en inglés con subtítulos en galego.