AXENDA | A Camiñata do Contrabando unirá a veciños de Galicia, Zamora e Portugal no Penedo dos Tres Reinos

O Concello da Mezquita organiza a Camiñata do Contrabando, unha andaina de sendeirismo de 14 quilómetros e dificultade media, con saída ás 8:30 horas desde a Praza de Chaguazoso o domingo día 12 de xullo.

O percorrido inclúe un encontro transfronteirizo cos veciños de Hermisende (Zamora) e Moimenta (Portugal) no coñecido Penedo dos Tres Reinos, punto onde converxen Galicia, Castela e León e Portugal. A xornada continuará cun almorzo e un momento de convivio na propia localidade portuguesa de Moimenta.

As inscricións poden formalizarse ata o 10 de xullo, no teléfono 988 425 541 ou no correo concello@amezquita.gal.