AXENDA | Magosto popular na Gudiña

A Gudiña prepárase para celebrar a súa III Cea do Magosto o vindeiro sábado 8 de novembro no seu Pavillón Municipal, cun completo programa de actividades para todas as idades.

A xornada comezará ás 16:00 horas cun torneo de tute (10 € por parella), con premios para os mellores. As inscricións poden facerse a través da Comisión O Carballal.

Ás 17:00 horas, haberá actividades infantís e familiares dirixidas por Lorena e Ylenia, e ás 19:00 horas, música tradicional en colaboración coa AC Os Torgueiros e outros músicos locais.

A continuación celebrarase a Cea do Magosto (con entrada), que contará cun menú tradicional: empanada, chourizo, porco ao espeto, bica, viño, auga e castañas.

Prezos da cea

• Público xeral: 12 €

• Menores de 10 anos: 6 €

As entradas estarán dispoñibles no Concello da Gudiña ata o 4 de novembro.

Para poñer o broche final á noite, celebrarase unha festa con entrada libre, amenizada polo DJ Tariro, que fará bailar a todos os asistentes.