Xoves. 06.10.2022
Gabriel Alén reuniuse coa tenente de alcalde de Viana, Maria Carmen Conde.
Gabriel Alén reuniuse coa tenente de alcalde de Viana, María Carmen Conde.

Os programas de conciliación axudan, especialmente no verán, a compatibilizar o coidado dos nenos e o traballo. Gabriel Alén, delegado da Xunta en Ourense, visitou ós cativos de Viana que participan no Programa Concilia, ao que a Consellería de Emprego e Igualdade aportou case 16.000 euros. As actividades son unha ludoteca, obradoiros e xogos que se están a levar a cabo na Casa da Cultura e no pavillón municipal en horario de 10:00 a 14:00 horas, nos que participan 50 nenos de 4 a 14 anos no mes de agosto.

Nesta visita a Viana, Alén reuniuse con Maria Carmen Conde, tenente de alcalde no Concello, e valoraron a importancia deste tipo de programas para as familias. O delegado da Xunta destacou que a conciliación axuda a romper con aqueles estereotipos que potencian as desigualdades, polo que "todos debemos traballar para fomentar a conciliación e crear sinerxias para armonizar as nosas vidas e facer un uso racional e máis acomodado dos nosos tempos".

En toda Galicia, as axudas destinadas á conciliación no 2022 chegaron ata os 1,4 millóns de euros. No caso da provincia de Ourense, a inversión superou os 450.500 e isto permitiu poñer en marcha 28 programas de conciliación en 41 concellos dos que se benefician 1.049 familias e 1.378 menores de 18.

Ademais, Alén aproveitou este encontro cos cativos de Viana para poñer en liberdade e reintroducir no medio a unha cegoña e a tres aves rapaces nocturnas tras o proceso de rehabilitación desenvolto no Centro de Recuperación da Fauna do Rodicio.

Gabriel Alén soltou unha cegoña e tres aves rapaces nocturnas na zona.
Gabriel Alén soltou unha cegoña e tres aves rapaces nocturnas na zona.

 

NOTICIAS VERÍN | A conciliación de verán beneficia ás familias de 50 nenos en Viana
comentarios