Xoves. 06.10.2022
Cartel das festas en Viana.
Cartel das festas en Viana.

Os veciños de Viana volverán desfrutar das súas festas patronais por todo o alto. Desde este venres e ata o día 16, terán numerosas actividades para honrar á Nosa Señora da Asunción e a San Roque. A programación está pensada para todas as idades e non faltará a música en todas as xornadas.

Este venres comezarán os festexos cunha festa ao estilo dos anos 80. Pola mañá haberá un pasarrúas coa charanga Bicoia e, no Toural, a sesión vermú estará a cargo de Soul&Roll. Pola tarde organizarán xogos tradicionais dos anos 80 ás 20:00 horas, mentres que 45 minutos despois haberá sorpresas na Praza Maior e unha festa holi de cores, para darlle paso unha vez máis a Soul&Roll ás 21:00 horas. Xa pola noite, en concreto ás once, Desconcerto encargarase de interpretar vesións dos en directo dos 80 en San Roque e logo, os establecementos que colaboren nesta festa poñerán música da época. Ademais, na Praza Maior instalarase un mercado vintage durante todo o día e na noite faranse sorteos.

O 12 de agosto tamén se presentará o libro "Cuaderno de Viana", do vianés Jesús García "El Beatle", no que se recollen relatos e imaxes relacionados coa comarca. Este evento terá lugar na Casa da Cultura do concello ás 20.00 hora.

O sábado, os veciños de Viana poderán desfrutar da actuación dos grupos da Xornadas de Folclore ás 22:30 horas na Praza María Pita. O concello recibirá á Compagnie Artistique Mien-Moh, de Costa de Marfil; ó  Ballet Folclórico Municipal de Rancagua, de Chile; e á Liga Tari Mahasiswa Kridabudaya, de Indonesia. Logo, haberá verbena a cargo da orquesta Olympus, un dos pratos fortes destas festas.

A programación continuará o domingo 14 de agosto cun desfile de moda coas pezas do deseñador Jorge De Álvarez, que se levará a cabo na rúa do Toural ás 19:30 horas. Pola noite a verbena será a cargo da orquesta Gran Parada.

O luns, 15 de agosto e un dos días grandes destas festas, terase unha misa e procesión na honra da Nosa Señora da Asunción. Despois dela haberá unha sesión vermú coa banda de música A Candea. Pola noite, o músico Roi Casal ofrecerá unha actuación na Praza María Pita ás 00:30 horas. A orquesta Royal será a encargada de amenizar a festa nesta xornada.

O último día de festas en Viana festexarase na honra de San Roque. Pola mañá terán unha misa e unha procesión da imaxe do santo, mentres que pola tarde será o turno da orquesta Malasia para amenizar a xornada.

NOTICIAS VERÍN | Viana vai de troula para celebrar as súas festas patronais
comentarios