Luns. 30.01.2023
Jesús García Mata, xefe do servizo de Oncoloxía do CHUO.
Jesús García Mata, xefe do servizo de Oncoloxía do CHUO.

A área sanitaria de Ourense, Verín e O Barco de Valdeorras únese hoxe para celebrar o Día Internacional da Loita contra o Cancro de Mama. No CHUO, diagnostícanse unha media anual de 200 novos casos, na súa maioría cun estadio precoz que eleva as posibilidades de curación ao 90%. Ademais, moitas destas pacientes poden recibir o seu tratamento e seguir as súas consultas directamente nos hospitas de Verín e Valdeorras, preto da súa casa e evitando desprazamentos periódicos.

Neste ano, 604 pacientes, maioritariamente mulleres e algún home, accederon á vía rápida de cancro de mama. Isto permite axilizar a primeira consulta no caso de sospeita por parte do médico de cabeceira ou doutro especialistas, no máximo de dous días, o que adianta os prazos de estudos diagnósticos e o tratamento, se é preciso.

O incremento da detección precoz, o avance dos medios diagnósticos e terapéuticos, a mellora do abordaxe e a coordinación multidisciplinar, a protocolización dos procesos e o alto grao de implicación de tódolos servizos, permitiron que nos últimos anos se aplicasen tratamentos individualizados, á medida das necesidades e características de cada paciente e, na maioría de casos, cunha resposta cirúrxica conservadora.

Dende a área sanitaria seguen poñen o foco de atención noutro piar importante, como é a prevención. Os hábitos de vida saudables e a participación na campaña de detección precoz cancro de mama da Consellería de Sanidade cando se é convocada, son claves, especialmente neste último caso, xa que a realización dunha mamografía de control segue a ser o método mais eficaz de detección. Avanzar na investigación tamén permitirá unha mellor nos diagnósticos destes pacientes.

Os profesionais e servizos implicados no diagnóstico dos pacientes de cancro de mama no CHUO mostraron o seu apoio a que o sofre baixo o lema "Pechando filas co paciente", xa que tamén queren poñer en valor o traballo en equipo para que non haxe fendas na asistencia. Nela están implicados os servizos e unidades de Oncoloxía Médica, Oncoloxía Radioterápica, Unidade de Radiodiagnóstico de Mama, Unidade de Cirurxía de Mama, Anatomía Patolóxica, Medicina Nuclear e Farmacia, que envían unha mensaxe de esperanza e tranquilidade ás mulleres que afrontan este proceso asistencial.

Detección precoz e investigación

Técnicas como o ganglio centinela e a mellora doutras de diagnóstico permiten detectar cada día con maior precocidade estes tumores, incrementando o número de lesións non palpables. Dende o servizo de Oncoloxía Médica ofrécense a totalidade de tratamentos existentes, dándose unha resposta individualizada a cada muller, adaptando os tratamentos quimio-hormonoterápicos a cada caso e variando as secuencias destes.

Agora mesmo, o Hospital Universitario de Ourense ten múltiples liñas de investigación abertas, entre as que destaca a súa participación nun proxecto internacional para mellorar a calidade de vida e afondar no seguemento dos e das pacientes recuperadas de cancro, mediante o emprego da intelixencia artificial e aplicación da análise de gran volume de datos.

“Persist”, como se denomina o proxecto, está a realizar un seguemento de 160 pacientes voluntarios, 40 deles do Servizo de Oncoloxía do Hospital Universitario de Ourense, recuperados dun cancro de mama ou colorectal, os dous dos máis frecuentes. O resto de pacientes participantes foron seleccionados no Centro Clínico Universitario de Maribor (Eslovenia), o Centro Hospitalario Universitario de Lieja (Bélxica) e o Instituto de Medicina Preventiva e Clínica da Universidade de Latvia (Letonia).

NOTICIAS VERÍN | Na provincia detéctanse ao ano uns 200 casos de cancro de mama
comentarios