NOTICIAS VERÍN | O Mago Teto achega á vila o oficio de afiador cun espectáculo de ilusionismo

O Mago Teto visitará Verín esta fin de semana da man do seu espectáculo 'O camiño do afiador' -e dunha roda de afiar dos anos 30, herdadada dos seus ancestros-. Será o domingo día 24, ás 19:00h no Auditorio Municipal, cunha mostra de ilusionismo orientada a todos os públicos, de balde e ata completar o aforo.

O afiador, un oficio que tivo o seu apoxeo nos séculos XVIII e XIX (e practicamente extinguido no século XX) desprazábase centos ou milleiros de quilómetros por uns meses, mesmo anos, coa única compaña da súa roda. Miles de historias e aventuras doutros tempos chegan á escena coa axuda do ilusionismo.

Devandito espectáculo está enmarcado dentro do Programa de Dinamización da Lingua Galega “Falaredes 2021” dentro do Fondo de Proxectos Culturais Xacobeo da Xunta de Galicia.