O lume iniciouse ás 22:07 horas da pasada noite deste mércores, 22 de xullo, en Castrelo de Cima. O incendio, que afectou a unha superficie aproximada de máis de 20 hectáreas, deuse por controlado na madrugada deste xoves ás 7:16 horas.
ESTABILIZADO un lume no concello ourensán de Riós, parroquia de Castrelo de Cima, que segundo as primeiras estimacións supera as 20 hectáreas #IFCastrelodeCimaRiós
— incendios 085 (@incendios085) July 23, 2020![Publicidade 22976]()
A estabilización foi posible grazas aos medios desprazados ata o momento: 5 axentes, 10 brigadas, 6 motobomas e 1 pala. As lapas non afectaron a ningunha vivenda e só produciron danos na zona arborada. A noticia deste novo lume, súmase aos datos actualizados do incendio que arrasou Verín na xornada de onte. Segundo informou a Consellería de Medio Rural este xoves ás 9:00 horas, o balance da superficie queimada no lume de Queirugás (Verín) supera xa ás 160 hectáreas, moi lonxe -afortunadamente- das 1.360 que se perderon no incendio do 2017.
ACTUALIZACIÓN da superficie afectada polo #IFQueirugásVerín: 160 hectáreas
— incendios 085 (@incendios085) July 23, 2020![Publicidade 26377]()
No control do lume, xa se mobilizaron ata o de agora: 1 técnico, 6 axentes, 16 brigadas, 9 motobombas, 1 pa, 10 helicópteros e 9 avións, segundo informa Medio Rural, que a primeira hora desta mañá aínda o consideraba activo malia que non había xa presencia efectiva de lapas e só se realizaban labores de vixiancia e refresco da superficie queimada.
