Martes. 04.10.2022
Medio Rural solicitou o nivel 2 de emerxencia pola proximidade ás vivendas

NOTICIAS VERÍN | As lapas cercan de novo a parroquia de San Cibrao en Oímbra

As lapas non dan tregua en San Cibrao, Oímbra. FOTO: Xosé Lois Colmenero.
As lapas non dan tregua en San Cibrao, Oímbra. FOTO: Xosé Lois Colmenero.

A noite prevese complicada na comarca para loitar contra os incendios, especialmente en Oímbra. Nas últimas horas o lume volveu azotar con forza na parroquia de San Cibrao trala reactivación dun lume que estaba "estabilizado". Medio Rural acaba de solicitar o nivel 2 de emerxencia pola proximidade das lapas ás vivendas.

 

Arestora non hai luz nesta población de Oímbra e entre os danos materiais que xa se poden contabilizar atópase unha palleira ardida e unha finca con material de construción. A veciñanza atópase nas rúas, vendo impotentes o avance das lapas nesta noite que non van esquecer.

Na mañá deste luns desactivouse o nivel 2 de emerxencia para o lume declarado o domingo en San Cibrao e para o rexistrado en Videferre, tamén en Oímbra. A situación complicada que se vive do outro lado da fronteira non axuda, e moitos destes lumes teñen a súa orixe en Portugal. 

 

A última actualización de Medio Rural fala de 20 hectáreas calcinadas en San Cibrao, onde participaron 6 axentes, 6 brigadas, 5 motobombas, 1 pa e 1 heclicóptero para apagar as lapas. En Videferre, a superficie afectada continúa a ser de 350 hectáreas.

A veciñanza atópase na rúa agardando a que a situación mellore. | FOTO: Xosé Lois Colmenero.
A veciñanza atópase na rúa agardando a que a situación mellore. | FOTO: Xosé Lois Colmenero.

NOTICIAS VERÍN | As lapas cercan de novo a parroquia de San Cibrao en Oímbra
comentarios