OU ké! estrea "Entre cuncas", un brinde por unha conversa sen filtros

As mellores conversas nacen arredor dunha mesa e, desde agora, tamén dun micrófono. OU ké! estrea Entre Cuncas, un novo podcast conducido por Iván Olmos Ferreiro que aposta polo diálogo tranquilo, a palabra sen présas e as ideas servidas entre viño e algo de papatoria.

Este primeiro programa marca o ton do formato: charlas sinceras, afastadas do ruído e dos discursos prefabricados, nas que o importante é deixar falar. Para inaugurar a serie, Entre Cuncas conta con Carla Mañas, presentada como cómica e xornalista —aínda que ela mesma renegue da segunda etiqueta—, nunha conversa que percorre os límites do humor negro, a censura, a autocensura e os traumas persoais como contexto proclive á comedia.

A estrea de Entre Cuncas chega como unha invitación a sentarse, escoitar e participar dun espazo onde a conversa manda e o tempo se detén. Un novo proxecto de OU ké! que arrinca brindando pola palabra libre, e que non tivo mellor escenario que a adega Triay, no Concello de Oímbra.