Martes. 05.03.2024
Antía Pérez marcou o primeiro gol para o seu equipo. | FOTO: RFEF Futsal.
Antía Pérez marcou o primeiro gol para o seu equipo. | FOTO: RFEF Futsal.

Pescados Rubén Burela de fútbol sala feminino proclamouse este domingo campión da Supercopa de España. Nas súas filas atópase a lazana Antía Pérez, que na súa primeira tempada co equipo lucense xa levantou un trofeo. A xogadora foi a encargada de abrir o marcador cun gol para o seu equipo, dun resultado final de 4 a 1, nun encontro que se disputou no pavillón Vista Alegre de Burela fronte ao MSC Torreblanca de Melilla e ante un milleiro de espectadores.

O equipo lucense participou nesta final tras gañar a pasada tempada a Copa da Raíña en Ourense, encontro desputado no pavillón dos deportes Paco Paz. Ese trofeo deulles o pase para participar na Supercopa de España e chegaron a este último partido tras vencer nas semifinais ao Atlético Navalcarnero, as actuais campioas da Liga.

Pérez incorporouse ao club de Burela o pasado mes de agosto e este é o seu primeiro trofeo coas lucenses. Anteriormente xogou no Sala Zaragoza, a onde chegou tralo seu paso polo Poio Pescamar. Neste último equipo estivo a piques de proclamarse campioa da Copa da Raíña e da Supercopa de España, pero finalmente o equipo non o conseguiu.

Formada nas bases do Ourense Envialia, onde debutou en Primeira División, no 2018 participou nos Xogos Olímpicos da Xuventude que se celebraron en Bos Aires. A Selección Española de Fútbol Sala Feminino logrou para España o bronce, pero Pérez regresou cunha grave lesión no xeonllo. Despois dun anos marcados por graves lesión, a lazana goza de estabilidade en Burela e comeza o 2023 do mellor xeito, cun trofeo.

O Pescados Rubén Burela gañou por cuarta vez consecutiva a Supercopa de España de fútbol sala feminino. | FOTO: Burela Fútbol Sala.
O Pescados Rubén Burela gañou por cuarta vez consecutiva a Supercopa de España de fútbol sala feminino. | FOTO: Burela Fútbol Sala.

NOTICIAS VERÍN | A lazana Antía Pérez, supercampioa de España de fútbol sala feminino