19:04 do 7 de marzo de 2022
Un home perdeu a vida esta tarde logo de envorcar o seu tractor, co que circulaba por unha pista forestal da localidade de Toro, no concello de Laza.
Foi un veciño que pasaba polo lugar dos feitos o que avisou, pouco despois das 16:30 horas, aos servizos de emerxencia, logo de atopar ao home debaixo do vehículo agrícola.
Bomberos de Verín, GES de Laza, Garda Civil e até o helicóptero medicalizado do 061 se trasladaron ao lugar, pero nada puderon facer por salvarlle a vida ao malogrado home.
Celso A. B., de 69 anos, residía habitualmente en Ourense e pasaba varias tempadas na localidade de Toro. O accidente ocorreu no portelo da finca á que accedía dende a vía pola que transitaba.