Martes. 19.03.2024
Os bombeiros da Brif de Laza tiveron que refuxiarse da treboada debaixo da súa motobomba. | FOTO: Brif de Laza.
Os bombeiros da Brif de Laza tiveron que refuxiarse da treboada debaixo dunha motobomba. | FOTO: Brif de Laza.

A treboada chegou ata o lume de Camba, en Laza, onde os brigadistas da Brif do concello se viron na obriga de refuxiarse debaixo dunha motobomba. O resto de efectivos, tanto terrestres como aéreos, marcharon e eles quedaron "tirados" na zona do incendio.

Os brigadistas tiveron que agardar máis dunha hora e media ata que os compañeiros os puideron recoller en vehículo. Pasadas as nove da noite, iniciaron o seu regreso a base tras un día "muy duro y complicado" loitando contra o lume de Camba.

A treboada, que chegou con choiva, non foi suficiente para apagar as lapas. O que si lograron foi reducir a súa intensidade e frear o desbocado avance. Medio Rural xa desactivou o nivel 2 de emerxencia ao remitir o perigo para o núcleo de Taboazas, no concello de Chandrexa de Queixa. A superficie afectada provisional segue a ser dunhas 740 hectáreas.

NOTICIAS VERÍN | A Brif de Laza queda "tirada" no lume de Camba pola treboada