O rexedor de Laza, José Ramón Barreal Novo, vén de convocar para este venres ás 10:00 horas a comisión de control do proceso selectivo "Selección para a creación dunha bolsa de emprego para peóns do Grupo Municipal de Emerxencias Supramunicipal (GES)".
O comité de control estará composto polos representantes dos sindicatos maioritarios -CC.OO., UGT, CSIF e CIG (solicitante do procedemento)- e da administración local, os concelleiros do grupo de Goberno, Víctor Saínza e Lorena Costa.
Tamén están chamados á primeira reunión do comité os membros do Tribunal examinador e os asesores técnicos que participaron no proceso selectivo cuestionado.
Foi o grupo Xuntos por Laza o que, nunha denuncia pública, advertiu de posibles irregularidades no proceso selectivo para a bolsa de emprego do GES lazano cando uno dos candidatos, "sen experiencia en emerxencias", obtivo as máis altas cualificacións tanto na proba escrita coma na práctica.
