Algo máis tarde das 10:00h deu comezo, na Casa do Concello de Laza, a comisión de control do proceso selectivo para a creación dunha bolsa de emprego para peóns do Grupo Municipal de Emerxencias (GES), que fora convocada o pasado día 22 de xuño polo alcalde do municipio, Moncho Barreal. É precisamente o rexedor quen preside a comisión, e quen, uns minutos antes de dar comezo á xuntanza, mantivo unha conversa privada con varios dos asesores técnicos do tribunal examinador.
Isto prodúcese despois de que a formación Xuntos por Laza denunciara publicamente o proceso selectivo, advertindo de posibles irregularidades, cando un dos candidatos, sen experiencia, obtivo as mellores cualificacións.
O comité está composto polos representantes dos sindicatos maioritarios (CCOO, CIG, UXT e CSIF) e da administración local, representada polos concelleiros Víctor Saínza e Lorena Costa. Tamén polos asesores técnicos do tribunal examinador que participaron no proceso.
