CORONAVIRUS VERÍN | Aumento do número de casos en Cualedro
Este luns, as dependencias do Concello de Cualedro pechaban as súas portas, despois de que un dos seus traballadores resultara ser positivo en Covid-19. O municipio, que onte contaba con tan só dous casos activos, hoxe ten catro.
Os novos casos corresponden a unha nena de 16 anos, un neno de 13 -os dous fillos do funcionario hospitalizado-, e dun terceiro varón de 38 anos de idade.
En contraposición con isto, experiméntase unha baixada en Monterrei, que pasa de ter cinco positivos a catro, número de casos nos que tamén se sitúa actualmente Verín fronte os seis cos que contaba no día de onte.
Laza e Castrelo do Val seguen con un só contaxio, e Vilardevós con dous; mentres que Riós e Oímbra se manteñen libres do virus ó non ter ningún caso activo nestes momentos.