GALERÍA | Surf, 'karts' infantís e moita aprendizaxe no verán en Vilardevós

Ademais de divertirse -damos crédito de que o fan-, os nenos que acoden ás ludotecas de verán non deixan de aprender durante estes meses de convivencia. No concello de Vilardevós, organizan cada semana actividades distintas e novidosas para que, ademais de pasar un bo anaquiño de día, os cativos poidan adquirir novos coñecementos tan importantes para a vida diaria como, por exemplo, en termos de seguridade vial. 

Estes 20 cativos inscritos -de 3 a 14 anos- gozaron dunha xornada seguindo sinais de tráfico, identificando marcas viais e conducindo sobre as 'catro rodas'. Aínda que tamén hai tempo para as actividades de ocio, como as que practicaron o pasado venres por riba de superficies inchables.

Noutros días máis tranquilos fomentan a súa creatividade coa elaboración de manualidades e actividades no interior. Compartirán este tempo de calidade xuntos tódalas mañás laborables, e se a Covid-19 o permite, ata o vindeiro 31 de agosto.