NOTICIAS VERÍN | A D.O. Monterrei volve de Ámsterdam, onde tivo unha boa acollida

A Denominación de Orixe Monterrei participou este mércores no I Galicia Wines and Aguardientes Festival, que se celebrou en Ámsterdam. Este evento de promoción estivo organizado pola Asociación de Consellos Reguladores do Viño de Galicia e das Indicación Xeográficas de Augardentes e Licores Tradicionais de Galicia, en colaboración coa Unión Española de Catadores.

A presidenta do Consellor Regulador da D.O. Monterrei, Lara Da Silva, trasladouse ata a capital neerlandesa para amosar os viños de case unha vintena das súas adegas. No evento coincidiu coa Consuelo Femenía, embaixadora de España nos Países Baixos; e con Antonio Torres-Dulce, cónsul xeral de España en Ámsterdam. Ademais, tamén recibiu aos numerosos importadores que se desprazaron ata o Van der Valk Hotel no que tivo lugar este salón de viños e augardentes.