Tempo de transición para sete parroquias da comarca. Oímbra, Queizás, San Cibrao, Feces de Cima, Tamagos, Tamaguelos e O Rosal estrearon novo párroco, don Omar Bello, mentres despedían ao que os acompañou durante os últimos nove anos, don Raúl Afonso.
Os actos para dicirlle 'adeus' foron recorrentes en todas as localidades, aínda que a máis especial veu da man dalgúns dos seus alumnos de catequese o pasado día 4. Liderados por unha das catequistas e co apoio dos pais e nais, os cativos entregáronlle un regalo moi persoal: un libro asinado por todos coas súas impresións, sentimentos e inquedanzas. O acto rematou coa interpretación dunha peza musical en conxunto que emocionou ao párroco.
Non foi o único agasallo que recibiu o Padre Raúl que, no seu percorrido da pasada semana, no que presentou ao novo párroco, foi sorprendido por moitos dos feligreses. Velaí os momentos inmortalizados da súa despedida.
Despedida de don Raúl e benvida ao Padre Omar, en Oímbra.
Igrexa de San Cibrao.
Igrexa de Tamaguelos.
Igrexa de Queizás.
Igrexa de Tamagos.
Igrexa do Rosal.
Os nenos da catequese, na súa especial despedida no Rosal.
Entrega do agasallo a don Raúl, no Rosal.
