Camiñando por Cabreiroá é a primeira parada do programa Camiñando polas augas, "unha experiencia cultural", un proxecto que nace coa inquedanza dun grupo de profesionais do sector turístico e cultural que colaboran na creación dun produto turístico especializado na historia dos balnearios e que apostan por ofertar rutas orixinais e especializadas.
Camiñando polas augas, explican desde a organización, "mergulla ao visitante na historia da auga a través da ollada dos guías oficiais, para descubrir con eles o que é un agüista ou o que é unha buvette, todo sobre a historia dos balnearios".
Hoxe foi a última, que non derradeira convocatoria dun ciclio que comezou o pasado 29 de abril, que tivo continuidade o día 7 de maio e que nesta tarde do Día das Letras desenrolou a súa cuarta andaina polo entorno de Cabreiroá. Os participantes non só coñeceron as árbores que presiden grande parte do parque do balneario, tamén puideron ver imaxes do mesmo complexo hai moitos anos e tiveron a carón a expertos en termalismo e natureza que debullou os aspectos máis relevantes dos elementos da contorna de Cabreiroá.
