FOTOGALERÍA | Éxito de participación de expositores na Feira do Lázaro de Verín
Ata 66 establecementos quixeron, nesta edición, estar presentes nunha nova edición da Feira do Lázaro que esta fin de semana manterá animadas as rúas da vila de Verín.
O certame arrincaba este sábado, pouco despois das 11:00 horas, coa visita das autoridades locais e comarcais, que se converteron nos primeiros visitantes dun recinto feiral sen a buvette promocional das augas e o demandado, pero caro, túnel do viño da D.O. Monterrei.
Así, con máis espazo dispoñible, o pavillón polideportivo quedou convertido nun grande centro comercial con notable presenza lusa e onde os obxectos feitos a man terán, na fin de semana, un gran protagonismo.
Non faltaron, nesta xornada sabatina, os obradoiros, as experiencias sensoriais, as competicións deportivas e ata a ampla exposición de vehículos novos e de ocasión, que presidía a rúa Irmáns Moreno de Verín.
Velaquí unha pequena e primeira escolma da xornada inaugural da feira do Lázaro.