venres 17/09/21
Sociedade

GALERÍA | Facendo 'bolos' en Viana ou descubrindo os países do mundo, así pasan o verán os cativos vianeses

Facendo honra ao nome do seu concello de orixe, os nenos e nenas que acoden á ludoteca de verán de Viana do Bolo, sacan as súas mellores galas e deleitanse coa elaboración de receitas caseiras, como bolos ou galletas. 

Mentres, as outras dúas ludotecas do municipio ábrennos as súas portas e somos testemuñas de divertidos saltos en camas inchables, como en O axóuxere da Pepita, ou da aprendizaxe sobre xeografía do mundo enteiro, no caso de Pinchacarneira. Nesta semana, o país elixido é México, do que descobren gastronomía, tradicións, costumes, situación no mapa e mesmo as cores da bandeira.  

Pero, como non todo é estudar, tamén existe tempo para o lecer con actividades no exterior e con tódalas medidas de seguridade contra a Covid-19.

A ludoteca do Concello, que conta coa asistencia de nenos nados entre os anos 2009 e 2016, está a piques de rematar (30 de xullo) e o vindeiro mes pasarán o testemuño aos 'maiores', co campamento de verán, no que compartirán xuntos tódalas mañás laborables ata o 23 de agosto.

comentarios
GALERÍA | Facendo 'bolos' en Viana ou descubrindo os países do mundo, así pasan o verán...