As imaxes falan por si soas. As Tanxugueiras ofreceron, durante unha hora, un concerto acústico diante de más de 2.000 persoas que deu en converterse, de seguro, na cita máis intimista de todas as que levan ofrecido neste intenso 2022. A comunión co público -como se nun local social se tratase- foi total e á súa posta en escena, cargada de naturalidade, non lle fixo falta complemento lumínico engadido.
Antes, o trío das valentes galegas xantou, cun cento de convidados, no restaurante Gandainas de Fumaces (Riós). Alí estaba Fernando Chao e a súa muller Pili, co pequeno dun mes Artai, que por un momento durmiu unha boa sesta nos brazos de Olaia. Fernando foi quen trouxo ata Fumaces ás Tanxugueiras, antes de que se namoraran do topónimo que leva o nome dun cachiño desta aldea orriolense.
A correr, antes do concerto, foron coñecer o lugar que xa as define e que elas espallan polo mundo. Nas Tanxugueiras de Fumaces, moi cerca da A - 52, haberá un pequeno recoñecemento físico á indiscutible traxectoria das tres mulleres pandereteiras.
Chovía miudiño cara as seis e media da tarde, que foi cando comezaron a cantar. Non importou. Riós e Rubén fixeron historia este sábado. O rural latexou máis ca nunca.
FOTOS: Iván Iglesias.
Rubén Riós -terceiro pola esquerda-, coas Tanxugueiras; Fernando -a persoa que lles presentou Fumaces- e, na dereita, Manuel, de Gandainas.
O cativo Artai non se fai unha idea, mentres durmía, de en que brazos o facía.
Velaí á presentadora verinense Esther Estévez, á gaita.
César Salgado e Lucía Álvarez, compañeiros de mesa do equipo de Diario do Támega.
Aníbal Blanco, propietario da Adega Quinta das Tapias. Foi o seu viño o que se serviu no xantar.
Javichi, un dos protagonistas do documental de Rubén Riós, "Outros Camiños".
Eva Barrio, alcaldesa do Riós, con Manuel e a matriarca dos "Gandainas", Mariví -de pé-.
