luns 18/10/21
Monterrei

GALERÍA | Fin de semana en Monterrei coa gaita coma protagonista

Monterrei foi, unha vez máis, o escenario da XXXVI Xuntanza Internacional de Gaiteiros que convocou a destacados músicos, expertos e construtores de instrumentos nun amplo programa de actividades que se desenvolveron ao longo do venres, día 27, e o sábado 28, nun evento declarado de interese turístico e cultural.

Na presente edición foron homenaxeadas as cantoras de Santa Baia de Montes, Margarita González e Basilisa Sotelo

O Festival comezou ás 19:00 horas na explanada do castelo coa interpretación do "Himno da Xuntanza", a cargo dos trompetistas ataviados con vestimenta medieval. Presentado polos regueifeiros Alba María e Kike Estévez, o certame continuou coas actuacións dos gaiteiros de Flariz; os Xeremiers de Sóller das Baleares; Iria Estévez en "Clave de Fado"; César Pastor; a agrupación musical de Riós con Flores López; os gaiteros d'Algairén de Almonacid de la Sierra (Aragón); os zanfonistas da Escola Provincial de Gaitas; Daniel García de la Cuesta (Asturias); as Cantoras de Santa Baia de Montes; e as Cantareiras da Real Banda e Gabi Reboredo.

O evento rematou, como xa vén sendo habitual, coa actuación da Real Banda de Gaitas desde os muros da fortaleza.

comentarios
GALERÍA | Fin de semana en Monterrei coa gaita coma protagonista