Con outras das citas ineludibles do verán comezan en Vilaza as tradicionais festas do 15 de agosto, como en medio país galego. Este sábado foron centos os que non se quixeron perder unha nova edición da súa Carretada do Viño, a xa décimo primeira. Unha sorte de particular procesión onde, como en calquera que se prece, non pode faltar a música de charanga, a da Nova Terra de Trives.
Dende as 19:30 horas percorreron as principais rúas da vila, facendo escala nalgunhas das adegas da localidade. Por 12 euros, o paquete desta particular viaxe engadía unha cunca, un pano e un bo prato de paella.
Este domingo volverá a xuntarse moito público nunha das festas tradicionais da contorna máis visitadas, como tamén o haberá na cea popular que sempre se organiza en Villaza.
