GALERÍA | Magosto "baixo en calorías" e graos na Mezquita

Velaí algunhas pezas de carne para os comensais.
O rexedor, na misa e repicando.
Apurando o lume das castañas.
Só as/os valientes eran quen de botarlle a man á portiña de apertura.
Mónica Luis, a máis rápida arrapañando castañas.
Os homes, coas mans nas "brasas".
E chegou o momento do chocolate e das sobremesas.
Hai quen teimou en que o chocolate non espesara.
E chamouse a un experto chocolateiro dende hai máis de medio século.
E o mestre chocolateiro deu o visto e prace.
Algunhas das sobremesas que participaron no concurso.
Tamén Laza tiña parte de protagonismo coa súa bica.
Entrega de premios antes da foliada.
Antes de sentarse a cear, houbo que dobrar o espiñazo collendo castañas no "Arrapañacastañas".
Xosé Lois Colmenero
14 de noviembre de 2021 (22:46 h.)

Non hai galego que non coñeza, de carretilla, os principais ingredientes dun magosto popular. Por iso que non é preciso repetir aquí cales foron os da excepcional festa que organizou o Concello da Mezquita este sábado no local social municipal. 

Só pasaban algo de frío os que se ocupaban dos diferentes lumes: o da carne e o das castañas. Dentro, só era preciso vir con fame e/ou co estómago baleiro, porque, ademais de castañas -que virían a ser o remate da inxesta-, tamén había litros e litros de chocolate para acompañar ás sobremesas que entraron en concurso e ás que non. 

Eran máis dun cento de inscritos e ata ben entrada a fría noite deron boa conta das viandas. As que sobraron foron doadas, como vén sendo habitual en cada magosto municipal que se celebra, á residencia de maiores San Martiño do municipio. 

Etiquetas
#Celebración #Concello #Magosto foliada Castañas