FOTOGALERÍA | Encontra a ilusión, 13 pistas para 13 décimos da lotería de Nadal na Mezquita

O Concello da Mezquita volve poñer en marcha o seu tradicional xogo da caza do tesouro polo Nadal: "Encontra a ilusión nos pobos da Mezquita". En cada unha das aldeas do municipio agochouse unha fotocopia dun décimo para a lotería de Nadal; agora somentes hai que seguir as pistas e localizalas fotocopias para ir cambialas polos décimos reais na Casa do Concello.

Trece pistas para 13 décimos; nesta galería están todas. O martes xa foron atopados e recollidos dous décimos, os agochados na Vilavella e na Mezquita-Campo. E, ao longo desta semana algún outro tamén foi encontrado.

Pero inda queda tempo para buscar os cinco que faltan. E, para facilitar as cousas, engadimos as novas pistas sobre a localización dos décimos agochados en Santigoso, Cádavos, A Esculqueira, Castromil e Vilavella-Estación.

Aqueles décimos que non sexan atopados, en caso de ser premiados, serán doados íntegramente a entidades sen ánimo de lucro.