Diario do Támega :: RSS de «Iván Olmos Ferreiro»

Os usuarios do Centro de Día Raiola de Verín visitaron o Museo Claustro dos Mercedarios

Iván Olmos Ferreiro — Wed, 7 Aug 2019 16:21:05 +0200

Na mañá de hoxe, o Museo do Claustro dos Mercedarios tivo unha visita moi especial. Os usuarios e usuarias do Centro de Día Raiola de Verín, visitaron estas instalacións municipais acompañados das profesionais xerocultoras coas que conviven no día a día e de persoal da Cruz Vermella de Verín.

Tratouse dunha visita guiada pola responsable do museo, na que percorreron a historia da vila, os inicios e método de elaboración do licor café e doutros licores tradicionais, a relación da vila co contrabando de café e remataron lembrando a súa xuventude na magnífica recreación dunha lareira que se atopa ao final do percorrido.

Moitos dos maiores asistentes, a pesar de ser veciños do municipio verinense, nunca antes visitaran esta instalación e sorprendéronse gratamente mesmo realizando intervencións e preguntas sobre aquilo co que se sentían identificados.

O Centro de Día Raiola de Verín finalizou, xa que logo, unha nova saída cos seus usuarios. As responsables consideran este tipo de saídas e excursións unha necesaria actividade máis entre todas aquelas que continúan a realizar, xa sexa recuperar oficios antigos como a elaboración do xabón, do liño ou do queixo; ou sesións de musicoterapia e manualidades. Dende a xerencia de Raiola lembran que aínda quedan prazas no centro e que as familias interesadas poden visitalo en calquera momento do día para coñecer as instalacións e informarse sobre as actividades ou o proceso de inscripción.

Recentes inspeccións de Xunta e Concello non atopan ningunha irregularidade na granxa de Vilaza

Iván Olmos Ferreiro — Tue, 6 Aug 2019 18:41:42 +0200

O titular da polémica explotación afirma estar "canso das contínuas visitas tanto da Xunta, como do Concello ou o Seprona" e ameaza con actuar en consecuencia se continúan as presións da veciñanza.

Os arredores da Alameda xa comezan a cheirar a viño...

Iván Olmos Ferreiro — Tue, 6 Aug 2019 16:10:50 +0200

O ambiente de enorme movemento non se limita hoxe só á Alameda, senón tamén á Praza García Barbón, onde se está a desenvolver –dende hoxe e ata o día 8– o Torneo de Fútbol 3x3 AEVER – Concello de Verín 2019

Apenas 6 de cada cen novas empresas constituídas na provincia fixan a súa sede na comarca

Iván Olmos Ferreiro — Tue, 6 Aug 2019 15:18:36 +0200

A Comarca de Monterrei sitúase en cuarto lugar en creación de novas empresas tralas comarcas de Ourense, O Carballiño e Valdeorras.

Carglass e o Concello de Monterrei loitan man a man contra a choiva e os mosquitos

Iván Olmos Ferreiro — Mon, 5 Aug 2019 15:24:56 +0200

Repelente á auga, de fácil limpeza, aplicado en tan só cinco minutos e cunha duración de entre seis e oito meses, en función do uso do coche.

Denuncian un intento de roubo na polémica granxa de Vilaza

Iván Olmos Ferreiro — Mon, 5 Aug 2019 12:45:36 +0200

Os danos denunciados limítanse ao destrozo parcial da verxa metálica exterior que protexe a explotación, recoñecendo non posuír nin sistema de vixilancia nin seguro que poida cubrir os danos. Así mesmo, os actuais titulares acusan á veciñanza que leva días protestando polos cheiros procedentes da explotación gandeira.

"Coche de liña" entre Verín e Chaves a partir do próximo luns

Iván Olmos Ferreiro — Thu, 1 Aug 2019 16:11:35 +0200

A Eurocidade Chaves - Verín presentará ante os medios de comunicación, o vindeiro luns, día 5 de agosto, o Transporte Urbano Transfronteirizo Chaves-Verín (TUT). O servizo será inaugurado por Nuno Vaz e Gerardo Seoane Fidalgo, respectivamente, Presidente e Director da institución transfronteiriza.

Rubén Riós: "Galicia é taberna. Non falamos igual co primeiro viño que co terceiro. É cando mellor se negocia... sabendo bebelo ben!"

Iván Olmos Ferreiro — Wed, 31 Jul 2019 15:34:11 +0200

Rubén Rodríguez Rodríguez (Riós, 1980) é, para todo o mundo, Rubén Riós. Un actor, director e produtor galego que ten levado o nome do seu concello aló por onde pisou (e o que lle queda). Do Rei da Comedia a Libro de Familia pasando por Matalobos e Pradolongo, foise facendo un oco no mundo do audiovisual –televisión e cinema– grazas ás súas dotes interpretativas. De actor pasou a director –dirixiu Vida e Máis ca vida, preseleccionadas para os Goya– e produtor, coa súa produtora Claqueta Coqueta. Un todoterreo do audiovisual que ama e defende o rural, ao que sempre trata de poñer en valor en todos os seus proxectos. Un emprendedor que aos seus 39 anos será o pregoeiro da XIV Feira do Viño de Monterrei. Falamos con el dos seus novos proxectos, do rural, do viño e do país.

"O Concello de Laza estaba nunha situación de case feudalismo que confirmamos ao entrar e hai que democratizalo"

Iván Olmos Ferreiro — Tue, 23 Jul 2019 20:31:42 +0200

Jesús Blanco Conde deixou o seu cargo de director do Instituto Nacional da Seguridade Social en Ourense para liderar a candidatura á alcaldía de Laza polo PSdeG e intentar arrebatarlle o goberno a José Ramón Barreal e ao Partido Popular. Para sorpresa de moitos, conseguiuno, aínda que non só. Precisou dos dous concelleiros da marea local, Xuntos por Laza, para conformar o primeiro goberno de esquerdas do concello lazano en décadas. Tras pouco máis dun mes no cargo, recíbenos no seu despacho para analizar o comezo do mandato e os retos que lles quedan por diante.

A auga e a música voltarán ser protagonistas na Batucada de Verín

Iván Olmos Ferreiro — Mon, 22 Jul 2019 21:31:43 +0200

A concelleira, Emilia Somoza, explicou que, coma o ano pasado, manterase o acordo cos hostaleiros para evitar o conflitivo uso de vasos de cristal na Batucada e evitar altercados. "Ofrecemos aos establecementos a oportunidade de instalar barras na rúa para que poidan servir bebidas en vasos de plástico", sinalou a concelleira.

Cinco traballadores eventuais contratados por José Ramón Barreal no Concello de Laza dan a benvida ao novo alcalde con demandas no xulgado

Iván Olmos Ferreiro — Mon, 22 Jul 2019 20:29:52 +0200

Entre os demandantes, destaca a actual cónxuxe do exalcalde popular, que realizaba labores de coordinación dos GES –grupo de emerxencias supramunicipal– dende o seu posto en GRUMIR –grupo municipal de intervencion rápida–.

Lorena Quintas: "A artesanía agora é a miña profesión porque ninguén me deu traballo ao rematar a carreira"

Iván Olmos Ferreiro — Mon, 22 Jul 2019 16:10:50 +0200

Lorena Quintas Rejo (Ourense, 1986) recíbenos na súa casa de Xunqueira de Ambía. Lorena é completamente cega dende hai seis anos, ademáis de se desprazar nunha cadeira de rodas por mor dunha artrite que padece dende nena. Desde o 9 de xullo ata o vindeiro 2 de agosto ten expostos máis de trinta cadros con temática sobre o país. A exposición chámase Galicia en fíos.

A Subdelegación do Goberno ordena a expulsión inmediata dunha enxeñeira e economista ucraína enferma de cancro

Iván Olmos Ferreiro — Thu, 18 Jul 2019 23:19:09 +0200

Esta é unha historia real e actual. Mais é tamén un reflexo de como se reflicten na realidade os nosos valores colectivos como sociedade. Canto custa unha vida humana?

O problema non só é Amancio; o problema é a doazón

Iván Olmos Ferreiro — Wed, 19 Jun 2019 00:21:52 +0200

"Se o señor Ortega ten tanto interese en mellorar a sanidade pública, que pida publicamente o voto para as forzas políticas que propugnan camiñar politicamente cara unha cada vez maior progresividade fiscal, que redistribúa a riqueza de xeito que aqueles, coma ele, que gozan dunha innegable capacidade económica por enriba da media, paguen máis impostos", argumenta o noso articulista Iván Olmos logo da polémica acontecida pola doazón de Amancio Ortega de varios equipos de loita contra o cancro.

Un limián en Verín

Iván Olmos Ferreiro — Wed, 13 Feb 2019 01:34:08 +0100

Este dixital vístese de gala na súa estrea pública e mundial, nunca mellor dito. O campión do mundo na modalidade de discursos, no campionato universitario de debate en español celebrado en Chile, achégase por primera vez -e agardemos que non sexa a derradeira- a esta fiestra, afondando naquelo que máis une ás dúas comarcas que están marcando parte do seu percorrido vital