Coa axuda do persoal do centro e dos monitores que acompañaban aos nenos e nenas, este novidoso programa interxeneracional aspira a converterse en habitual. Foron moitos os sorrisos de complicidade e axuda mútua entre pequenos e maiores mentres trataban de fabricar bonecos con globos, fariña, arroz e la. Sorrisos que se incrementaron cando, conxuntamente, comezaron a xogar co paracaídas de cores, xusto despois de teren compartido zumes e galletas como aperitivo de media mañá. 

Algunhas investigacións, segundo afirma o psicólogo especializado en envellecemento, Francisco Moreno, teñen mostrado que o incremento na actividade física, cognitiva e social que se obtén a partir dos programas interxeracionais pode axudar a mellorar a saúde para a poboación que envellece e mellorar a aprendizaxe nos máis novos. Outras investigacións indican que a participación en interaccións interxeracionais posibilita experiencias pracenteiras para as persoas maiores e mellora a súa autoimaxe e identidade, ao incrementar o seu sentimento de ser útiles para os demais.

Dende Raiola afirman que seguirán incentivando este tipo de convivios interxeneracionais, así como incrementando o seu programa de actividades de recuperación dos vellos oficios tradicionais da zona –fabricación de queixo, liño, xabón...–.

O alcalde, Gerardo Seoane, e a concelleira de cultura, Emilia Somoza, recibían aos participantes antes do comezo do desfile. Ao son da Banda de Gaitas de Verín os nenos e as nenas recorreron as rúas Laureano Peláez, rúa Lisa e Praza Maior. A festa continuou despois no colexio Amaro Refojo.

Con esta actividade comezan dous días de festa en Verín. O prato forte será mañá, sábado 27, coa Festa da Auga e a Escuma, o desfile de batucadas e a actuación de Baiuca Live Band A/V Show.

Velaquí unha boa mostra en imaxes baixo o obxectivo de Carlos Montero.