AXENDA | Unha ruta de sendeirismo con degustación en Viana

A iniciativa Coñece e Saborea chega á súa fin este domingo, cunha ruta de sendeirismo por Viana do Bolo. Tras pasar por municipios como Parada de Sil, A Teixeira, Trives ou San Xoán de Río, esta actividade desembarca en terras vianesas para percorrer a ruta da Pinza, que se inicia ao carón da igrexa de Santa María de Pinza. O trazado é de 9 quilómetros e ten un dificultade media.

Os participantes terán a oportunidade de facer unha degustación de produtos locais que terá lugar no bar Castiñeiros da Gloria. As prazas están esgotadas, pero aínda se pode facer unha reserva gratuíta en caso de que haxa algún oco dispoñible. Para obter máis información pódese chamar ós números 679 602 928 ou ó 648 602 732.