Mércores. 30.11.2022

Evento

AXENDA | O CMUS celebra unha nova Gala da Igualdade no Auditorio

26/11/22 a 26/11/22
19:00 a 20:30
Auditorio de Verín
Cartel da Gala da Igualdade organizada pola ANPA do CMUS.
Cartel da Gala da Igualdade organizada pola ANPA do CMUS.

A Asociación de Nais e Pais de Alumnos do Conservatorio de Música de Verín, en colaboración co Concello e a Consellería de Emprego e Igualdade, organiza unha nova Gala da Igualdade que terá lugar o vindeiro sábado no Auditorio verinés. O evento comezará ás 19:00 horas e contará con diversos actos.

 

As alumnas do CMUS ofrecerán un concerto para o público e a actuación grande da xornada será a de Caamaño & Ameixeiras. Ademais, presentarase o proxecto "Muller, Música e Verinesa" e adicarse a aula 2 ás irmás Iria e Mireia Castro, dúas veciñas de Verín que tocan en sinfónicas europeas. A gala complétaa a presentación da obra plástica "O son do universo", de Alba Barreira e Jorge López Dobarrio, que se destinará para aula de música dos máis cativos.

 

O evento, cuxa entrada é libre, rematará cunha chocolatada con churros para os asistentes.

comentarios