AXENDA | Festas na honra da Virxe dos Remedios en Fumaces

Fumaces celebrará durante dous días as súas festas na honra da Virxe dos Remedios. 

O xoves, 7 de setembro, comeza a troula previa á celebración do día grande coa verbena a cargo da Fuego Street Band.

Xa no venres, día 8, pola mañá haberá pasarrúas da charanga Europa para chamar á veciñanza a asistir á misa e procesión na honra da Virxe dos Remedios que terá lugar ás 13:00 horas.

A tarde estará adicada á cativada cunha festa infantil que contará con inchables para os máis pequenos. Co luscofusco chegará a sesión de tarde musical coa charanga Los Támega e, xa na noitiña, a verbena a cargo da discomóbil A Gramola.