AXENDA | Queimada, chocolatada e macarronada, nas festas de Berrande

Berrande comeza mañá as súas festas na honra do San Bartolomeu. Tres días de celebracións nas que haberá música e xogos populares.

O mércores o dúo Trasnos será o encargado de dar inicio ás festas coa súa actuación nocturna. Xa o xoves, 24 de agosto, terá lugar a misa e procesión acompañada pola charanga Europa; ó longo da tarde e da noite haberá verbena e discomóvil.

O venres, día 25, a orquestra Estrellamar porá música á verbena, que rematará cunha gran queimada popular acompañada da chocolatada e da macarronada para todos os asistentes.