Evento
AXENDA | 'Enredando', obradoiros de alfabetización e autonomía dixital en Viana
Cruz Vermella Galicia leva a Viana do Bolo o seu programa de alfabetización dixital que busca achegar o uso da texnoloxías ás persoas atendendo as necesidades de cada quen e ofrecendo a oportunidade de ter autonomía dixital.
Obradoiros personalizados segundo os intereses, motivacións e dificultades das persoas que participen: coñecer dispositivos dixitais, resolver dúbidas ou practicar en concreto unha capacidade dixital. Ao longo da xornada falarase da realidade virtual e a intelixencia artificial, de como pedir cita médica por internet, da seguridade na rede ou de como manexar a banca dixital.
A iniciativa está dirixida ao público en xeral, pero especialmente pensada para persoas maiores de 55 anos. "Enredando" é un espazo lúdico cun formato aberto de aprendizaxe, no que a metodoloxía utilizada está moi centrada nos coñecementos previos da persoa, así como nos seus intereses de aprendizaxe.
Os obradoiros son gratuítos e celebraranse o venres, 6 de setembro, na Casa da Cultura de Viana do Bolo dende as 10:00h. ás 13:00 horas.