AXENDA | Cualedro ten moita maxia

O Concello de Cualedro organiza uns días de "moita maxia" para amenizar as vacacións da cativada. Varias actuacións e un obradoiro para os nenos da ludoteca nunha iniciativa que animará a pequenos e non tan pequenos.

Domingo, 30 de xullo

O local social de Lucenza acollerá a actuación do mago Fernando Moreno a partir das 17:30 horas. Un evento encadrado nas festas na honra de Santa Marta da localidade.

Martes, 1 de agosto

O mago Chirleta ofrecerá maxia para os nenos da Casa Niño Aprendo xogando de Cualedro.

Mércores, 2 de agosto

A ludoteca de Cualedro acollerá un obradoiro de maxia para ensinar ós máis pequenos o poder da imaxinación. A partir das 12h. haberá "Maxia para todos" no patio da escola de Cualedro.