AXENDA | Búscanse doantes de sangue en Verín

A Axencia de Doazón de Órganos e Sangue (ADOS) instalará o vindeiro 4 de novembro a súa unidade móbil na Praza García Barbón de Verín. O horario dispoñible para doar é de 10:15 a 14:00 horas na mañá e de 17:00 a 21:00 horas na tarde. 

Os que queiran colaborar só deberán ter máis de 18 anos e superar os 50 quilos, acudirán dúas horas despois de haber xantado e levarán consigo algún documento que os identifique, xa sexa unha tarxeta de doador ou o DNI. Se están tomando algún medicamento, presentarase un informe médico para que os sanitarios de ADOS coñezan o tratamento e vexan se é compatible.