Imprimir

Unha moza de 17 anos, entre os seis infectados no gromo de Soutelo Verde, en Laza

Redacción | 16 de agosto de 2020

Punto de recollida de mostras para as probas PCR, no hospital de Verín. | FOTO: Xosé Lois Colmenero.
Punto de recollida de mostras para as probas PCR, no hospital de Verín. | FOTO: Xosé Lois Colmenero.

 

 

O seguemento dos contactos dun caso importado de Covid-19 detectado este sábado nun home de 54 anos de idade no Concello de Laza deu lugar á detección nesta mañá de cinco casos máis, confirmados por PCR, todos eles con nexo familiar. Os cinco novos casos coñecidos corresponden a dous homes de 84 e 59 anos, dúas mulleres de 80 e 53 anos e unha moza de 17 anos de idade. Dende o primeiro momento activouse o protocolo de identificación, control e seguimento dos seus contactos estreitos e realización das probas diagnósticas correspondentes. Neste momento os pacientes se atopan en situación de illamento nos seus respectivos domicilios a seguimento polos profesionais sanitarios dos seus centros de saúde e o seu PAC e serán monitorizados polo plataforma TELEA para o seguimento constante e o control na evolución dos seus síntomas.

 

 

Ante a posibilidade de novos contaxios, a Consellería de Sanidade segue a traballar co obxectivo de limitar o risco de novas infeccións, tomando as medidas preventivas indicadas nos protocolos aplicables a esta situación.

 

 

Unha vez máis, desde a Área Sanitaria de Ourense, Verín e O Barco de Valdeorras instan á poboación a manter a vixilancia e seguir cumprindo as instrucións das autoridades sanitarias: hixiene de mans frecuente, emprego de máscara e distancia de seguridade e, ante calquera síntoma compatible coa infección, como tose, febre, cansazo..., quedar na casa e evitar o contacto con outras persoas, ata recibir instrucións desde os seus centros de saúde ou PAC.

 

 

Cumpre tamén recordar que ante o habitual dos reencontros familiares nestas datas, e tendo en conta a situación epidemiolóxica dalgunhas comunidades con fortes vínculos coas nosas poboacións, dende o Sergas lembran novamente a importancia de manter as medidas de seguridade, extremando as precaucións nas comidas e xuntanzas familiares.

Podes ver este artigo na próxima dirección /articulo/laza/moza-17-anos-infectados-gromo-soutelo-verde-laza/20200816170822010558.html


© 2020 Diario do Támega

O primeiro dixital da comarca de Monterrei