Venres. 29.03.2024
Coñecerá a labor que leva a cabo o CDR Portas Abertas e achegarase ao castelo

O candidato ao Congreso por Ourense de En Marea, Iván Olmos, visita hoxe Vilardevós e Monterrei

O cabeza de lista por Ourense de En Marea, Iván Olmos estará a tarde deste xoves na comarca. As catro ten prevista unha xuntanza cos responsables do Centro de Desenrolo Rural Portas Abertas, para coñecer de primeira man o seu funcionamento. Dúas horas despois achegarase ata a fortaleza de Monterrei, acompañado por membros da Plataforma en Defensa do Castelo para escoitar sobre o terreo as principais demandas á Administración autonómica que este colectivo leva facendo por mor dos accesos ao monumento.

Iván Olmos Ferreiro
Iván Olmos Ferreiro, cabeza de lista ao Congreso dos Deputados por Ourense de En Marea.

O cabeza de lista por Ourense de En Marea, Iván Olmos estará a tarde deste xoves na comarca. Ás catro ten prevista unha xuntanza cos responsables do Centro de Desenrolo Rural Portas Abertas, para coñecer de primeira man o seu funcionamento e, tamén, os problemas do interior galego e cos que eles loitan cada día. A visita do cabeza de cartel por Ourense servirá, ademais, para saber cómo lle foi a viaxe dos representantes do CDR a Madrid, unha das dúas institucións ourensás que participaron na manifestación da pasada fin de semana na que berraron contra o esquecemento por parte das administracións do que deron en chamar a "España baleirada".

Dúas horas despois, cara as seis, achegarase ata a fortaleza de Monterrei, acompañado por membros da Plataforma en Defensa do Castelo para escoitar sobre o terreo as principais demandas á Administración autonómica que este colectivo leva facendo por mor dos accesos ao monumento. Olmos Ferreiro asegurou que "En Marea defende que o castelo ten que ser un ben de uso público e non estar ao servizo de intereses privados, como neste caso ocorre coa implantación no seu interior dun parador ruinoso económicamente e que atacou de xeito inconcebible o aspecto histórico deste monumento cando foi remodelado, sen ter en conta o máis mínimo dos respectos á súa riqueza arqueolóxica".

Iván Olmos estará acompañado por Jorge Lorenzo Vila, veciño de Laza e terceiro posto na candidatura de En Marea ao Senado.

O candidato ao Congreso por Ourense de En Marea, Iván Olmos, visita hoxe Vilardevós e...