domingo 20.10.2019
os alumnos do CPR María Inmaculada limparán un treito urbano dous días antes

Adega convoca a todos os verinenses a limpar o río este domingo

No barrio de A Noria, ao seu paso por Verín, será o Concello o que acometa os traballos xa anunciados de limpeza.
No barrio de A Noria, ao seu paso por Verín, será o Concello o que acometa os traballos xa anunciados de limpeza.

O vindeiro domingo, 29 de setembro, dende as 10,30 e ata as 13,00 horas, todos aqueles verinenses que así o desexen están convocados á limpeza das beiras do Támega ao seu paso polo municipio. A chamada, un ano máis, é responsabilidade de Adega (Asociación para a Defensa Ecolóxica de Galicia), colectivo que tamén fixo idéntica convocatoria noutras 47 localidades de comunidade galega. 

O Concello de Verín quixo sumarse tamén así a esta iniciativa e ten aberta a inscrición para formar parte dun grupo de limpeza, para a que só bastará con chamar ao teléfono 615.34.38.79.

Para poder participar, só será preciso acudir, logo de se inscribir, provistos de roupa e calzado cómodo, aínda que será recomendable achegarse con botas impermeables para evitar mollar os pes. Adega entregará a cada participante unha camisola conmemorativa desta XII edición das limpezas simultáneas no río, ademais de luvas e bolsas de plástico para o recollida de residuos. 

A iniciativa coincide tamén co anuncio do Concello de Verín de emprender accións de limpeza no leito do Támega ao seu paso pola vila, concretamente nas inmediacións do barrio da Noria. 

Adega convoca a todos os verinenses a limpar o río este domingo
comentarios