luns 01/03/21
Este domingo, día 17 de xaneiro, o concello acordou non celebrar o evento que ten lugar na parroquia de Ábedes

Non haberá tampouco San Antón e o Concello de Verín estuda suspender a feira do día 23

O obxectivo céntrase en evitar concentracións de persoas e seguir as medidas que a Xunta puxo en vigor tras as elevadas cifras neste comezo de ano

free Delivery (1)
Romería de San Antón cancelada. | FOTO: Xosé Lois Colmenero.

Como non podía ser doutro xeito, tampouco haberá festa do San Antón nos montes de Ábedes este domingo, unha das máis senlleiras do municipio e que congregaba a moitos verinense ao calor do lume. O rexedor verinense, Gerardo Seoane, confirmou ademais que o grupo de Goberno estuda a posibilidade de deixar en suspenso a celebración da última feira do mes de xaneiro -a do día 23- e seguintes, aínda que asegurou que "esa decisión non está tomada porque temos que ter en conta que os feirantes levan sufrindo a pandemia dende o primeiro momento e precisa, coma o resto ou máis, poder facer algo de caixa", sinalou.

Este 2021 as familias e amigos xa non poderán achegarse á capela de San Antón, nin tampouco desfrutar da gastronomía propia da festa como son o chourizo, a costela de porco, a empanada e o viño de Monterrei. Si se manterá a celebración eucarística na parroquia de Ábedes pero respectando as limitacións propia do nivel máximo de risco. 

A este festexo adoitan acudir persoas non só da comarca, senón tamén do norte de Portugal, principalmente. Sen embargo, tras a confirmación de 10.556 novos casos e 156 mortos nun só día en Portugal e con 1.169 novos casos nas últimas 24 horas en Galicia, non están as cousas como para andar de festa. 

Non haberá tampouco San Antón e o Concello de Verín estuda suspender a feira do día 23
comentarios